2025 жылдың 19 ақпанында Алматы гуманитарлы-экономикалық университетіне (АГЭУ) Турин университетінің профессоры Массимо Маурицио Erasmus + staff бағдарламасы аясында келіп,  19-25 ақпан аралығында педагогикалық бағыттағы студенттер мен магистранттарға бағытталған дәрістер топтамасын өткізуде.

«Педагогика, бизнес және құқық» институтының студенттері, магистранттары мен оқытушылары «Итальяндық білім беру жүйесі: Турин Университетінің тәжірибесі»  атты  тақырыпта сапардың алғашқы күні қонақ дәрісі оқылды. Дәріс барысында Италияның жоғары білім беру жүйесінің негізгі аспектілері,ерекшеліктері мен академиялық алмасу мүмкіндіктері қарастырылды.

Сонымен қатар, университет басшылығымен кездесу аясында одан әрі ынтымақтастық перспективалары, оның ішінде академиялық ұтқырлық, бірлескен білім беру бастамалары мен ғылыми жобалар мәселелері талқыланды.

Профессор Массимо Маурисиоға ынтымақтастық үшін АГЭУ алғыс білдіреді.