Сәуір айының 12-жұлдызында «Педагогика, бизнес және құқық» институты «Педагогика, психология және ӘГП» кафедрасының ұйымдастыруымен педагогика ғылымдарының докторы, профессор Зәмзәмия Бейсенбайқызының 80 жылдық мерейтойына арналған «Қазіргі білім берудің өзекті мәселелері» атты республикалық ғылыми-әдістемелік дөңгелек үстел отырысы жоғары деңгейде өтті.

Сәуір айының 12-жұлдызында «Педагогика, бизнес және құқық» институты «Педагогика, психология және ӘГП» кафедрасының ұйымдастыруымен педагогика ғылымдарының докторы, профессор Зәмзәмия Бейсенбайқызының 80 жылдық мерейтойына арналған «Қазіргі білім берудің өзекті мәселелері» атты республикалық ғылыми-әдістемелік дөңгелек үстел отырысы жоғары деңгейде өтті.
Мерейтойлық дөңгелек үстел отырысы барысында п.ғ.д., профессор Зәмзәмия Бейсенбайқызының өнегелі өмірі, ғылыми еңбектері, ұстаздық ұлағаты, шығармашылығы туралы баяндамалар жасалып, қазіргі білім беру жүйесіндегі жаңашылдық, оның саяси, мәдени кеңістіктегі орны, ұлттық және жалпыазаматтық құндылықтар төңірегінде ғылыми ой-пікірлер ортаға салынды.
Іс-шара қонақтары, З.Бейсенбайқызының рухани әріптесі п.ғ.д. профессор, ҚР ҰҒА корреспондент-мүшесі, Халықаралық педагогикалық білім беру ғылымдары академиясының академигі (ХПБҒА), Қазақстан Республикасының Еңбек сіңірген қайраткері, Ш.Уәлиханов атындағы І дәрежелі сыйлықтың лауреаты Ф.Ш. Оразбаева, п.ғ.д., профессор Ж.Қ.Балтабаева (ҚазҰҚПУ),  п.ғ.к., доцент К.Б.Ахатаева (АТУ) және шәкірттері, филол.ғ.д., профессор Т.Н. Ермекова (ҚазҰҚПУ), п.ғ.д., профессор Ж.Н.Сүлейменова (ҚазҰҚПУ), филол.ғ.д., профессор Н.Ә.Ильясова (ҚазҰПУ), Қорқыт ата атындағы Қызылорда университетінен филол.ғ.к., Ж.А. Абылқайырова, Манаш Қозыбаев атындағы Солтүстік Қазақстан мемлекеттік университетінен п.ғ. кандидаты  Т.А. Ахметова, Мұхтар Әуезов атындағы Оңтүстік Қазақстан университетінен п.ғ.кандидаты Р.Б.Асылбаева, Сұлтанмахмұт Торайғыров атындағы  Павлодар мемлекеттік университетінен филол. ғ. к., профессор А.Ф. Зейнулина, сонымен қатар Алматы қаласының Қожа Ахмет Яссауи атындағы № 123 мектеп-гимназиясы мен № 31  жалпы білім беретін мектеп  ұстаздары ғалымның еңбегі мен тұлғалығына жоғары баға бере отырып, алғыстарын білдірді.
Республикалық ғылыми-әдістемелік дөңгелек үстел отырысының соңы п.ғ.д., профессор З. Бейсенбайқызының «Қазақ тілін оқыту әдістемесінің теориялық және технологиялық негіздері» және «Өмірімнің үзік сырлары» кітаптарының тұсаукесер рәсімімен аяқталды.