2024 жылдың 22 қаңтар айынан бастап  академиялық ұтқырлықты жүзеге асыру бойынша Жүсіп Баласағын атындағы Қырғыз ұлттық университетінде

Алматы гуманитарлы-экономикалық университетінің, «Педагогика, бизнес және құқық» институтының  «Педагогика, психология және ӘГП» кафедрасының  6В01301-Бастауышта оқыту педагогикасы мен әдістемесі БББ 3 курс студенті Байбосынова Анель, 2 курс Абуталип Арайлым және 6В01101 –Педагогика және психология БББ 2 курс студенті Масмахунова Феруза білім алуда.

       Академиялық ұтқырлықтың мақсаты - зерттелетін саладағы алдыңғы қатарлы шетелдік тәжірибені меңгеру, заманауи ғылыми зерттеу әдістерін қолданудың практикалық дағдыларын меңгеру, сондай-ақ оқу бағдарламасы бойынша кәсіби біліктілікті арттыру. 

Сондай-ақ, «Қонақ дәрісі» бағдарламасы аясында PhD., доцент Н.С.Кожамкулова Әлеуметтік-гуманитарлық ғылымдар факультетінің «Жоғары мектеп педагогикасы» кафедрасы студенттері мен магистранттарына арналған «Педагогикалық шығармашылық» тақырыбында дәріс өткізді. Факультет деканы Камчыбек уулу Мырзабек Қазақстандық ғалымдардың жоғары кәсіби деңгейін атап өтіп, оларға факультеттің оқу және ғылыми-әдістемелік үдерісіне белсенді қатысқаны үшін алғыс айтып, ризашылықтарын білдірді.