Университетіміздің қызметкерлері мен оқытушылары арасында дәстүрлі спорттық ойындар шеңберінде спартакиада өтті. Спорттық жарыстардың бағдарламасына эстафета ойындары, арқан тартыс және волейбол кірді. Сайысқа «ПиП», «АЭСА», «АУП» командалары қатысып, өзара үздіктерді анықтады. Командасын алға тартқан ойыншылар әр турға тыңғылықты дайындалған. Тартысты сайыс нәтижесінде волейболдан 1 орын «ПиП» командасы, 2 орын «АУП» командасы, 3 орын «АЭСА» командасы иеленді. Эстафета ойындарында жүзден жүйрік атанған «ПиП» командасы 1 орын, «АУП» командасы 2 орын, «АЭСА» командасы 3 орынға ие болды. Жеңімпаздар мен жүлдегерлер дипломдармен, медальдармен және ақшалай сыйлықтармен марапатталды.