2023 жылы 14 қарашада Сычуань педагогикалық университетінің делегациясы Алматы гуманитарлы-экономикалық университетінің "Педагогика, бизнес және құқық" институтына келді. Делегация құрамында Сычуань педагогикалық университеті бөлімшелерінің басшылары ғана емес, партия комитетінің хатшысы Го Юн мырза да болды.
Сапар барысында екі тарап ынтымақтастықтың болашағы  мен мүмкіндіктерін талқылады. Студенттер мен оқытушылардың академиялық ұтқырлығын дамытуға, бірлескен білім беру бағдарламаларын әзірлеуге, сондай-ақ бірлескен зерттеу жобаларын жүргізуге ерекше назар аударды. Алдағы уақытта АГЭУ мен СПУ ынтымақтастық туралы келісімге қол қоюға ниетті.
Бұл серіктестік білім беру сапасын арттыруға ықпал етіп қана қоймай, біздің университет студенттері мен оқытушылары үшін жаңа мүмкіндіктер ашады. Сычуань педагогикалық университетінің делегациясына сапары үшін алғыс айтамыз!