ҚР ҒЖБМ РОӘК ОӘБ «Аудит және салық салу» бағыты бойынша Жобаларды басқару тобының алғашқы отырысы өтті

20.10.2023  «Бухгалтерлік есеп, аудит және статистика» кафедрасының меңгерушісі, профессор Назарова В.Л ҚР ҒЖБМ РОӘК ОӘБ «Аудит және салық салу» бағыты бойынша Жобаларды басқару тобының алғашқы «Білім беру бағдарламаларын құрастыру және енгізудегі өзекті мәселелер» тақырыбындағы бірінші отырысына қатысты. 2023-2024 оқу жылына арналған Л.Н.Гумилев атындағы ЕҰУ-дің негізінде РОӘК ОӘБ «Бизнес және менеджмент»  бағыттарының «Аудит және салық салу» бойынша кадрларды даярлау секциясының құрамы және жұмыс жоспары бекітілді.

Білім беру бағдарламаларын әзірлеу және енгізу, «Аудит және салық салу» мемлекеттік білім беру бағдарламасының түлектерін кәсіби аттестациялаудың мәселелері мен мүмкіндіктері, шетелдік оқытушылар мен өндіріс мамандарын тарта отырып, оқу үдерісін ұйымдастыру мәселелері талқыланды.

Өз сөзінде Қазақстан Республикасы Аудиторлар палатасының төрағасы Көшкінбаев С.Х. бакалавриат түлектерін аттестациялау үшін АССА бағдарламасын ашу қажеттілігін, оны тәмамдағаннан соң Салық және аудитор сертификатын алу құқығы бойынша екі емтихан тапсыра алатынын атап өтті. Бірақ бұл мамандық бойынша міндетті түрде бір жыл жұмыс өтілі болу қажеттілігі талап етілетініне назар аударды.