6 ақпан күні «АЖ және ЖББ» кафедрасының ұстаздары Оналбаева К.К. және Ибраева А.Е. ұйымдастырумен, Қазақ поэзиясының мұзбалағы, ақиық ақын, мыңдаған өлең, ән-жырдың авторы Мұқағали Мақатаевтың туған күніне орай университетімізде, 1-курс студенттері арасында «Поэзия! Менімен егіз бе едің?» атты поэзия кеші өтті.

Кеш «Бүгін менің туған күнім» өлеңімен басталып, ақынның өмірі мен шығармашылығы туралы дайындалған видеомен жалғасты. Студенттер       М. Мақатаевтың өлеңдерін жатқа оқып, поэмаларына тоқталды. Ақынның өзі оқыған өлеңдерін тыңдады. Қойылған викториналық сұрақтарға жауап беріп, М. Мақатаевты қаншалықты сүйіп оқитындарын көретті. Поэзия кеші ақынның «Есіңе мені алғайсың» әнімен жалғасып, көңілді бимен аяқталды.