АГЭУ студенттері-XVII республикалық олимпиаданың жүлдегерлері! 
Алматы гуманитарлық-экономикалық университетінің "Сымбат" дизайн және технологиялар институтының студенттері XVII республикалық ғылыми олимпиадада жоғары дайындық деңгейін көрсетті.
"Сценография" номинациясында (6b02193 – Театр, кино және ТВ білім беру бағдарламасы) үшінші орынды Мұрат Арина мен Табыс Жанерке иеленді.
Олимпиада еліміздің түкпір-түкпірінен талантты қатысушыларды біріктіріп, оларға кәсіби дағдылар мен шығармашылықты көрсетуге мүмкіндік берді. Жеңімпаздар университет ректоры А. Жүдебаев тапсырған III дәрежелі дипломдармен марапатталды.
АГЭУ оқытушысы Кулия Жақсымбекқызы Алтаева дарынды студенттерді дайындағаны үшін алғыс хатпен марапатталды. Марапатты ғылыми жұмыс жөніндегі проректор табыстады.
Олимпиаданы ҚР Мәдениет және ақпарат министрлігі мен Темірбек Жүргенов атындағы Қазақ ұлттық өнер академиясы ұйымдастырды.
Олимпиада сән, дизайн, театр және кино саласындағы жас таланттарды қолдауға және дамытуға бағытталған.
Студенттер мен олардың ғылыми жетекшілерін лайықты жетістіктерімен құттықтаймыз!